کراچی: صوبے سندھ میں آج دوپہر 12 سے 3 بجے تک سخت لاک ڈاؤن ہوگا جبکہ نمازِ جمعہ سمیت دیگر مذہبی اجتماعات پر پابندی کو برقرار رکھا گیا ہے۔
محکمہ داخلہ سندھ کے مطابق تین گھنٹے کے سخت لاک ڈاؤن میں استثنیٰ حاصل کاروبار بھی بند رہیں گے جبکہ گاڑیوں کو سڑکوں پر آنے کی اجازت نہیں ہوگی۔
سندھ حکومت نے شہریوں سے اپیل کی ہے کہ محکمہ داخلہ کی ایس او پیز پر عمل کریں۔
خیال رہے کہ صوبے سندھ سمیت ملک بھر میں کورونا وائرس کے باعث ہر سطح کے مذہبی اجتماعات پر پابندی ہے۔ وفاقی و صوبائی حکومتوں نے یہ پابندی کورونا کے پھیلاؤ کے باعث عائد کر رکھی ہے۔
