عالمگیر وبا کے باعث دنیا بھر میں اموات کی مجموعی تعداد 2 لاکھ 80 ہزار 690 ہو گئی ہیں۔
غیر ملکی خبر رساں ادارے کے مطابق امریکا میں ایک بار پھر کورونا وائرس سے اموات میں اضافہ ہو گیا ہے، امریکی ریاست نیویارک میں موذی مرض سے 26 ہزار 771 افراد ہلاک اور 3 لاکھ 43 ہزار 409 کیسز رپورٹ ہوچکے ہیں۔
جس کے بعد امریکا میں ہلاکتوں کی تعداد 80 ہزار 40 جبکہ مجموعی متاثرہ افراد کی تعداد 13 لاکھ 47 ہزار 318 ہے جو دنیا بھر کے مجموعی کیسز کا ایک تہائی ہے۔
دوسری جانب اٹلی میں عالمگیر وبا سے اموات کی تعداد 30 ہزار395 تک پہنچ گئی ہے جبکہ اسپین میں 26 ہزار 478 افراد اب تک ہلاک ہو چکے ہیں۔ فرانس میں بھی 26 ہزار 310 افراد جان لیوا وائرس کا لقمہ اجل بن چکے ہیں ۔
برطانیہ میں مجموعی ہلاکتوں کی تعداد 31 ہزار 587 ہوگئی ہے۔ بھارت میں کورونا سے مزید 8 افراد ہلاک ہو گئے جس کے بعد ہلاکتوں کی تعداد 2 ہزار 109 جبکہ متاثرہ افراد کی تعداد 62 ہزار 939 ہوگئی۔
