انگلینڈ کرکٹ ٹیم کے کھلاڑی پیر سے ٹریننگ شروع کردینگے

لندن (جسارت نیوز) عالمی وبا کورونا کے پھیلائو کو روکنے کے لیے جو احتیاطی تدابیر کھیلوں کے شعبوں میں اختیار کی گئی تھیں اب آئستہ آئستہ میدانوں میں رونق بحال ہورہی ہے۔ انگلش کرکٹ بورڈ نے اعلان کیا ہے کہ کھلاڑی انفرادی طور پر پیر سے ٹریننگ کا آغاز کریں گے۔ تاہم کھلاڑیوں کو دی گئی گائڈلائنز پر عمل کرنا ہوگا۔ ای سی بی ترجمان کے مطابق حکومت برطانیہ نے مشروط طور پر کھیلوں کی سرگرمیاں بحال کرنے کی اجازت دی ہے جبکہ چند روز قبل وزیر اعظم نے لوگوں کو خبردار کیا تھا کہ پارکس اور جمز کے علاوہ کھلے میدان ابھی کھیلوں کی سرگرمیوں کے لیے نہیں کھولے جاسکتے۔ ای سی بی کے اس اعلامیہ کے بعد لگتا ہے کہ اب حالات بہتری کی طرف جارہے ہیں اور روز مرہ کے معاملات شروع ہورہے ہیں۔سربراہ ای سی بی ایشلے گلس کا کہنا ہے کہ پہلے مرحلے میں انفرادی ٹریننگ کا آغاز کررہے ہیں ۔