وزیراطلاعات پنجاب فیاض الحسن چوہان نے کہا ہے کہ شہبازشریف نے بزدلی کے معیار کا حق ادا کیا ہے اب قوم نے دیکھ لیا ہے کہ شہبازشریف کتنے دلیر اور جرات مند ہیں۔
شہباز شریف کی نیب میں عدم پیشی پر ردعمل دیتے ہوئےوزیر اطلاعات پنجاب نے کہا کہ قانون نافذ کرنیوالے ادارے اپنے رٹ قائم کریں گے،آج جو ہوا یہ شہبازشریف اور نیب کاآپس کا معاملہ ہے۔
فیاض الحسن چوہان نے کہا کہ شہبازشریف نے جومؤقف اپنایا وہ نئی منطق ہے، شہبازشریف کے مؤقف کے بعدملک بھر کے ملزمان کوچھٹی دیدینی چاہیے، لندن میں وبا زیادہ پھیلی ہوئی شہبازشریف ڈرتے ڈرتے پاکستان آئے اور وطن آنے کے بعد ڈھائی ماہ سے خود کو قرنطینہ کررکھا ہے۔
وزیر اطلاعات کا کہنا تھا کہ آج جو ہوا یہ شہبازشریف اور نیب کاآپس کا معاملہ ہے، نیب میں جتنی بھرتیاں ہوئی ہیں ن لیگ کیدور میں ہوئی ہیں، کرپشن کا پوچھا جائے تو ن لیگ کو ٹڈی دل اور کورونا یاد آجاتا ہے، شہبازشریف نے بزدلی کے معیار کا حق ادا کیا ہے اب قوم نے دیکھ لیا ہے کہ شہبازشریف کتنے دلیر اور جرات مند ہیں۔
