کراچی: لیاری میں گزشتہ روز گرنے والی رہائشی عمارت کا ملبہ ہٹانے اور ریسکیو کا عمل جاری ہے۔ ریسکیو حکام کے مطابق ملبے سے مزید 5 افراد کی لاشی نکال لی گئی ہیں جس کے بعد جس کے بعد جاں بحق افراد کی تعداد 6 ہوگئی ہے۔
ریسکیو حکام نے بتایا کہ جاں بحق ہونے والوں میں تین خواتین اور تین مرد شامل ہیں۔ ریسکیو حکام کے مطابق حادثے میں 2 پولیس اہلکار سمیت 10 افراد زخمی ہوئے جنہیں اسپتال میں طبی امداد فراہم کی جارہی ہے۔
واضح رہے کہ گزشتہ روز لیاری کی لیاقت کالونی میں 5 منزلہ رہائشی عمارت گرگئی جس میں 40 فلیٹ تھے جب کہ عمارت پر پینٹ ہاؤس بھی تعمیر کیا گیا تھا۔
