کراچی کے مختلف علاقوں میں بونداباندی نے موسم خوشگوار بنادیا۔
تفصیلات کے مطابق شہرقائد کے ایف بی ایریا،نارتھ کراچی، ڈرگ روڈ، نارتھ ناظم آباد،بفرزون،حیدری اور ناگن چورنگی سمیت مختلف علاقوں میں بونداباندی نے موسم کو خوشگوار بنادیا۔
شہر میں بونداباندی سے گرمی کی شدت میں کمی آنے کے ساتھ ساتھ تیزہوائوں کے چلنے سے موسم مزید سہانا ہوگیا ہے جبکہ محکمہ موسمیات نے شہر قائد میں رات تک ہلکی بارش کی بھی پیش گوئی کی ہے۔
محکمہ موسمیات کا کہنا ہے کہ شہرقائد میں 24 گھنٹوں کے دوران موسم مطلع جزوی ابرلود اور گرم مرطوب رہنے کا امکان ہے۔
