لاہور:سکھ زائرین کے لیے کرتارپورراہداری کو آج کھول دیا جائے گا۔
تفصیلات کے مطابق کرتارپورراہدری ساڑھے 3ماہ بعد آج کھلنے جارہی ہے، پاکستانی حکام نے کرتارپور کھولنے کے تمام تر انتظامات مکمل کرلئے ہیں۔
کرتارپورگورودوارہ میں سکھ مہاراجہ رنجیت سنگھ کی برسی کی تقریب ہوگی جبکہ رنجیت سنگھ کی برسی کی مرکزی دعائیہ تقریب دن 12.30 پر منعقد ہوگی۔
خیال رہے کہ حکومتِ پاکستان نے کورونا وائرس کے باعث کرتار پور راہداری کو عارضی طور پر زائرین کے لیے بند کردیا تھا جبکہ زائرین کو ہدایت کی گئی ہے کہ کورونا وائرس کے باعث سماجی فاصلہ اختیار کریں۔
