مستونگ(آن لائن) پیپلزپارٹی کے مرکزی رہنما اور سابق وفاقی وزیر آیت اللہ درانی انتقال کر گئے، ان کی تدفین آبائی علاقے پڑنگ آباد میں ہو گی۔ وہ کوئٹہ کے نجی ہسپتال میں زیر علاج تھے آیت
اللہ درانی کی تدفین ان کے آبائی علاقے پڑنگ آباد میںہو گی۔ ان کے انتقال پر سابق صدر آصف علی زرداری‘ چیئرمین پیپلزپارٹی بلاول زرداری نے اظہار افسوس کیا ہے ۔ اپنے تعزیتی پیغام میں انہوں نے کہا ہے کہ آیت اللہ درانی پارٹی کا نظریاتی اور وفادار کارکن تھے ۔ آیت اللہ درانی کا انتقال پارٹی اور بلوچستان کا ناقابل تلافی نقصان ہے ۔ سیکرٹری جنرل پاکستان پیپلز پارٹی سید نیر بخاری نے بھی سابق وفاقی وزیر آیت اللہ درانی کے انتقال پر اظہار افسوس کیا ہے ۔
