اسلام آباد (جسارت نیوز) سپریم کورٹ کے سابق جج جسٹس ریٹائرڈ فقیر محمد کھوکھر بطور انڈیپنڈنٹ ایڈووکیٹ 13 جولائی کو نیشنل ہائی پرفارمنس سنٹر لاہور میں عمر اکمل کی جانب سے دائر اپیل پر سماعت کریں گے۔ اس سلسلے میں دونوں فریقین، پی سی بی اور عمر اکمل کو نوٹسز جاری کر دیئے گئے ہیں۔ اس سے قبل کورونا وائرس کے باعث لاک ڈاؤن کے سبب انڈیپنڈنٹ ایڈووکیٹ نے 11 جون کو مقررہ سماعت موخر کر دی تھی۔ 27 اپریل کو جسٹس (ر) فضلِ میراں چوہان نے بطور چیئرمین ڈسپلنری پینل دو مختلف مواقع پر پی سی بی کے اینٹی کرپشن کوڈ کی شق 2.4.4 کی خلاف ورزی کرنے پر عمر اکمل پر 3 سال کی پابندی عائد کی تھی۔ جسٹس ریٹائرڈ فقیر محمد کھوکھر کی جانب سے فیصلے تک پی سی بی اس معاملے پر مزید تبصرہ نہیں کرے گا۔واضح رہے پاکستان کرکٹ بورڈ اس سے پہلے بھی اس قسم کے موقعوں پر میڈیا کو کچھ بتانے سے قاصر رہا ہے۔
Load/Hide Comments
