بھارت: جعلی پولیس مقابلے کا معاملہ عدالت عظمیٰ پہنچ گیا

نئی دہلی (انٹرنیشنل ڈیسک) اترپردیش میں 8 پولیس اہل کاروں کے قاتل وکاس دوبے کے پولیس کی حراست میں قتل کا معاملہ سپریم کورٹ میں پہنچ گیا۔ اس سلسلے میں سپریم کورٹ کے وکیل انوپ اوستھی نے اپیل دائر کی ہے، جس میں وکاس دوبے اور اس کے ساتھیوں کے قتل کی تحقیقات سی بی آئی، این آئی اے اور عدالت کی نگرانی میں کرانے کا مطالبہ کیا گیاہے۔ اپیل میں اعتراض کیا گیا کہ جلد ی انصاف فراہمی کے نام پر کیا پولیس اس طرح قانون اپنے ہاتھ لے سکتی ہے کہ ماورائے عدالت قتل کردیا جائے؟۔