کراچی میں موسلادھار بارش کے بعد شہر کی سڑکیں ندی نالے بن گئیں۔ نجی ٹی وی کی رپورٹ کے مطابق کلفٹن، ضیاءالدین احمد روڈ، تین تلوار، دو تلوار، باتھ آئی لینڈ، عبداللّٰہ ہارون روڈ میٹرو پول، شارع فیصل، نرسری، کارساز، بلوچ کالونی، ڈرگ روڈ، ایم اے جناح روڈ، آئی آئی چندریگر روڈ، ایوان صدر روڈ اور دیگر علاقوں میں پانی جمع ہے۔
تفصیلات کے مطابق ایئرپورٹ تھانے کے اطراف شارع فیصل پر ڈرگ روڈ کے مقام پر بہت خراب صورتحال ہے۔ جہاں ٹریفک معطل ہے اور ڈیڑھ فٹ سے زائد پانی کھڑا ہے۔ پانی نکالنے کے لیے ایس پی ٹریفک کی سربراہی میں پولیس کام کر رہی ہے بڑے پمپ لگائے گئے ہیں۔
