کراچی: محکمہ موسمیات کا کہنا ہے کہ کراچی میں آج رات بوندا باندی کا امکان ہے۔
ڈائریکٹر محکمہ موسمیات سردار سرفراز کے مطابق آج مطلع جزوی ابر آلود رہے گا جبکہ رات میں ہلکی بارش ہوسکتی ہے۔
آج کم سے کم درجہ حرارت 30 ڈگری سینٹی گریڈ ریکارڈ کیا گیا، اس وقت درجہ حرارت 31 ڈگری سینٹی گریڈ ہے جب کہ زیادہ سے زیادہ درجہ حرارت 34-36 ڈگری سینٹی گریڈ تک جانے کا امکان ہے۔
شہر میں جنوب مغربی سمت سے ہوا کی رفتار 19 کلو میٹر فی گھنٹہ ریکارڈ کی گئی۔ جب کہ ہوا میں نمی کا تناسب 73فیصد ہے۔
