چین : شدید بارش کے باعث قدیم دیوار گر گئی، سڑکوں اور عمارتوں کو بھی نقصان

زیان (صباح نیوز) چین کے شہر زیان میں طوفانی بارش نے تباہی مچادی، دیکھتے ہی دیکھتے قدیم دیوار گر گئی۔ طوفانی بارشوں کے بعد سیلاب نے تباہی مچادی اور سڑکیں ندی نالوں کا منظر پیش کرنے لگیں جبکہ بارش کی وجہ سے شہر کی قدیم دیوار گر گئی۔ سیلابی ریلے کی وجہ سے کئی
گاڑیاں پھنس گئیں، سڑکوں اور متعد عمارتوں کو بھی نقصان پہنچا تاہم کسی جانی نقصان کی اطلاع نہیں ملی جبکہ انتظامیہ کی جانب سے مختلف مقامات پر ایمرجنسی نافذ کردی۔