جرمنی سے تارکین وطن کی بے دخلی میں 50 فیصد اضافہ

برلن (انٹرنیشنل ڈیسک) جرمنی سے گزشتہ برس کے دوران مجموعی طور پر 11 ہزار سے زائد غیر ملکیوں کو ہمیشہ کے لیے بے دخل کر دیا گیا۔ یہ تعداد ایک سال پہلے کے مقابلے میں 50 فیصد زیادہ تھی جب کہ ان میں مستقل رہایشی پرمٹ کے حامل غیر ملکی بھی شامل تھے۔ خبر رساں اداروں کے مطابق حالیہ اعداد شمار کی 2 مختلف ذرائع سے تصدیق کی گئی ہے۔ جرمن قوانین کی رو سے ہر ایسے غیر ملکی کو جسے عوامی سلامتی اور نظم و ضبط کے لیے خطرہ سمجھا جاتا ہو اور خواہ اس کے پاس جرمنی میں مستقل قیام کا رہایشی پرمٹ بھی ہو، جرمنی بدر کیا جا سکتا ہے۔ ایسے افراد کو جرمنی سے جبراً ان کے آبائی ممالک میں بھیج دیا جاتا ہے۔