وارسا (انٹرنیشنل ڈیسک) امریکی وزیر خارجہ مائیک پومپیو نے پولینڈ کے ساتھ دفاعی تعاون کے معاہدے پر دستخط کر دیے۔ جس کے ذریعے جرمنی سے امریکی فوجیوں کی پولینڈ منتقلی کی راہ ہموار ہو جائے گی۔ وسطی اور مشرقی یورپ کے 4ملکی دورے کے اختتام پر وارسا میں پومپیو اور پولینڈ کے وزیر دفاع ماریوس بلازیک نے مزید دفاعی تعاون کے معاہدے پر دستخط کیے، جس میں پولینڈ میں اضافی امریکی فوج تعینات کرنے کے قانونی ڈھانچے پر اتفاق کیا گیا۔ پولینڈ میں ساڑھے 4امریکی فوجی تعینات ہیں، جس میں مزید ایک ہزار کا اضافہ کیا جائے گا۔
