لاہور: پنجاب حکومت نے 9 ، 10 محرم الحرام کے موقع پرلاہور سمیت صوبے بھر میں ڈبل سواری پر پابندی عائد کرنے کا فیصلہ کرلیا۔
تفصیلات کے مطابق محکمہ داخلہ پنجاب نے 9 اور 10 محرم الحرام کے موقع پر لاہور سمیت صوبے بھر میں ڈبل سواری پر پابندی عائد کرنے کا فیصلہ کیا ہے۔
پنجاب کی صوبائی کابینہ کی جانب سے امن و امان کے حوالے سے سمری کمیٹی برائے کابینہ کو بھجوا دی گئی ہے۔
سمری کی منظوری کے بعد محکمہ داخلہ پنجاب مذکورہ ایام میں ڈبل سواری پر پابندی کا نوٹیفکیشن جاری کرے گا۔
