بیجنگ (انٹرنیشنل ڈیسک) چین میں رواں موسم گرما کے دوران شدید بارش اور سیلاب کے نتیجے میں کئی دریاؤں میں طغیانی آنے سے وسیع علاقہ زیر آب آ گیا۔ مقامی ذرائع کے مطابق اکثر دیہاتی علاقوں میں سیلاب کی وجہ سے وسیع رقبے پر کھڑی فصلیں تباہ ہو گئی ہیں جب کہ ہزاروں افراد گھر بار چھوڑنے پر مجبور ہو گئے۔ گزشتہ روز چینی وزیر اعظم لی کی چیانگ نے سیلاب سے متآثرہ علاقوں کا دورہ کرکے انتظامات کا جائزہ لیا اور متاثرین کی جلد بحالی کی ہدایات دیں۔
