کراچی(رپورٹ:حماد حسین): محکمہ یونیورسٹیز اینڈ بورڈز نے شہید آللہ بخش سومرو یونیورسٹی آف آرٹ،ڈیزائن اور ورثہ میں ریٹائرڈ پروفیسر کو قائم مقام وائس چانسلر لگادیا گیا۔
ذرائع کے مطابق محکمہ یونیورسٹیز اینڈ بورڈز کی جانب سے شہید آللہ بخش سومرو یونیورسٹی آف آرٹ،ڈیزائن اور ورثہ جامشورو میں وائس چانسلر کی خالی نشست پر ڈاکٹر بھائی خان شر کا بطور قائم مقام وائس چانسلر کے تقرر کردیا گیا۔
ذرائع کا کہنا ہے کہ بھائی خان شر اس سے قبل2007 سے مہران یونیورسٹی آف انجینئرنگ اینڈ ٹیکنالوجی کے سینٹر آف ایکسلینس آرٹس اینڈ ڈزائن میں بطور ڈائریکٹر خدمات انجام دے رہے تھےجہاں سے یہ 23 اپریل 2020 کو ریٹائر ہوچکے ہیں۔
زرائع مزید بتایا ہے کہ مزکورہ افسر کا سکھر بورڈ کے چئیرمین کیلئے بھی سمری بھی منظور ہوئی ہے اور ویریفیکئشن کے پروسیس میں ہے۔
واضح رہے کہ موصوف نے مہران یونیورسٹی آف انجینئرنگ اینڈ ٹیکنالوجی سے بیچلر آف انجینئرنگ (آرکیٹیکچر) اور پی ایچ ڈی بھی اسی شعبہ میں کی ہے۔
