واشنگٹن: امریکی صدر ڈونلڈ ٹرمپ آج عراق اور افغانستان سے امریکی فوجیوں کے انخلاکے بارے میں اہم اعلان کریں گے۔
روسی خبر ایجنسی کے مطابق امریکی انتظامیہ کے ایک سینئر عہدیدار نے کہا ہے کہ امریکی صدر آج عراق اور افغانستان میں تعینات امریکی فوج کی تعداد میں کمی کا اعلان کریں گے جبکہ افغانستان میں امریکی فوج کے انخلا کے حوالے سے بھی اعلان کچھ دنوں میں متوقع ہے۔
واضح رہے کہ افغانستان میں اس وقت امریکا کے 8ہزار 600 سے زائد فوجی اہلکار تعینات ہیں جبکہ امریکی صدر نومبر تک یہ تعداد 4 سے 5 ہزار تک لانے کا عندیہ بھی دے چکے ہیں۔
