امریکہ: مرسڈیز کمپنی نے دھوئیں کے اخراج کی سرکاری جانط پڑتال سے بچنے کیلئے ایک سافٹ وئیر کا استعمال کیا جس کی بنا پر عدالت نے کمپنی پر ڈیڑھ ارب کا جرمانہ عائد کردیا ہے۔
امریکی محکمہ ماحولیاتی تحفظ اور کیلیفورنیا کے اٹارنی جنرل کے دفتر نے مرسڈیز پر الزام عائد کیا کہ کمپنی نے اخراج کی جانچ سے بچنے کیلئے “ڈفیٹ ڈیوائس سافٹ ویئر” کا استعمال کرتے ہوئے ماحولیاتی قوانین کی خلاف ورزی کی ہے۔
ادارے کا مزید کہنا تھا کہ ایسا کرتے ہوئے مرسڈیز کمپنی نے ڈیزل انجنوں کے ساتھ 2009 اور 2016 کے درمیان تقریبا 2 لاکھ 50 ہزار گاڑیاں فروخت کیں جو انجن کے حساب سے ریاست اور وفاقی معیار پر پورا نہیں اترتیں۔
