گوجرہ(آئی این پی)موٹروے ایم فور پر ٹریفک حادثے میں بدقسمت ایک ہی خاندان کے خاتون سمیت 5 افراد جاں بحق ،8سالہ بچہ زخمی ۔ تفصیلات کے مطابق کوارٹر نمبر4 فتح پور،کوٹ اعظم، ضلع لیہ کا بدقسمت خاندان بذریعہ موٹروے لاہور سے واپس لیہ جارہے تھے کہ پینسرہ کے قریب موٹروے ایم فور پر پہنچے تو کارڈرائیور عرفان کو اونگھ آگئی اور ان کی تیز رفتار کارٹرالر کے نیچے چلی گئی۔ حادثہ اتنا شدید تھا کہ خاتون سمیت 5 افراد موقع پر ہی دم توڑ گئے جبکہ 8سالہ محمد علی شدید زخمی ہوگیا ۔ موٹروے پولیس نے ریسکیو 1122کی مدد سے لاشوں اور زخمی بچے کو تحصیل ہیڈکواٹر اسپتال گوجرہ پہنچایا،جہاں سے 8سالہ محمد علی کو فوری طورپر طبی امداد کے بعد فیصل اباد الائیڈ اسپتال ریفر کردیاگیا ۔حادثے کی اطلاع متوفیان کے ورثاء کو کردی گئی ۔ لاشیں ضروری کارروائی کے بعد ورثاء کے حوالے کر دی گئی ہیں۔
Load/Hide Comments
انڈیا
جموں و کشمیر
