پاکستان کرکٹ ٹیم کے سابق کپتان اور مایہ ناز کھلاڑی شاہد خان آفریدی کا کہنا ہے کہ موجودہ وزیر اعظم عمران خان الیکشن سے قبل عوام سے کیے گئے وعدوں کو پورا کریں
تفصیلات کے مطابق پاکستان کرکٹ کے مایہ ناز کھلاڑی شاہد خان آفریدی نے خلیجی اخبار سے تبادلۂ خیال کرتے ہوئے کہا کہ میرا بھارت میں کرکٹ کا بہت اچھاتجربہ رہا، بھارت کے لوگ بہت محبت کرنے والے ہیں۔ کرکٹ کی وجہ سے پاک بھارت تعلقات بہتر رہ سکتے ہیں۔
سابق کپتان نے کہا کہ پاکستان کی حکومت ہر وقت کھیل کیلیے تیار ہے لیکن جب تک بھارت میں مودی سرکار موجود ہے، پاک بھارت کرکٹ کے امکانات نظرنہیں آرہے۔
شاہد آفریدی نے کہا کہ آئی پی ایل ایک بڑا برانڈ ہے، پاکستانی کھلاڑیوں کا وہاں نہ کھیلنا نقصان دہ عمل ہے۔
