اسلام آباد‘ اہم شخصیات کو منشیات سپلائی کرنے والا نیٹ ورک پکڑا گیا

اسلام آباد (صباح نیوز) اسلام آباد میں اہم شخصیات کو منشیات سپلائی کرنے والا نیٹ ورک پکڑا گیا۔ دارالخلافہ میں
آپریشن کے دوران 30کروڑ روپے مالیت کی ہیروئن، آئس اور گولیاں برآمد کر لی گئیں۔ خاتون اور ایک غیر ملکی شخص سمیت 7 افراد کو گرفتار کر لیا گیا۔ ایک ملزم نے پولیس اہلکاروں کو بھی منشیات فراہم کرنے کا اعتراف کیا ہے۔ نجی ٹی وی کے مطابق نیٹ ورک کے دیگر کارندوں کی گرفتاری کے لیے ٹیمیں روانہ کر دی گئی ہیں۔