اسلام آباد: وفاقی وزیراطلاعات سینیٹرشبلی فرازکا کہنا ہے کہ چھوٹی، درمیانی صنعتوں کورعایتی نرخوں پربجلی کی فراہمی سے کارخانے چلیں گے۔ نجی ٹی وی کی رپورٹ کے مطابق وفاقی وزیراطلاعات سینیٹرشبلی فرازنے ٹویٹ کرتے ہوئے کہا کہ وزیراعظم عمران خان کا صنعتوں کیلئے سستی بجلی کی فراہمی کا اعلان عوام کیلئے روزگار کے مواقع پیدا کرنے اورمعاشی استحکام کی جانب ایک اوراہم اقدام ہے۔
تفصیلات کے مطابق شبلی فراز نے کہا کہ چھوٹی، درمیانی صنعتوں کورعایتی نرخوں پربجلی کی فراہمی سے کارخانے چلیں گے، غریب مزدوروں کے چولہے بھی جلیں گے۔ عوام کوریلیف پہنچانا ہماری پہلی ترجیح ہے۔
