منی لانڈرنگ کیس میں عدالت نے سابق وزیراعلیٰ پنجاب شہباز شریف کی اہلیہ کو اشتہاری قرار دے دیا۔
ذرائع ابلاغ کے مطابق منی لانڈرنگ کیس کی احتساب عدالت میں سماعت ہوئی۔ سماعت پر شہباز شریف اور حمزہ شہباز عدالت پیش ہوئے۔
احتساب عدالت کے جج نے ابتدائی سماعت پر شہباز شریف کی اہلیہ نصرت شہباز کو اشتہاری قرار دیتے ہوئے کہا کہ نصرت شہباز کو دی گئی 30 روز کی مہلت مکمل ہوچکی۔
شہباز شریف کے ایسوسی ایٹ وکیل نے عدالت کو بتایا کہ شہباز شریف کے وکیل سپریم کورٹ میں مصروف ہیں۔
فاضل جج نے کہا کہ ایسے تو یہ کیس کبھی مکمل نہیں ہوگا۔ نیب کے گواہوں پر ملزمان خود جرح کریں۔ 12 بجے تک فیصلہ کرلیں وہ خود جرح کریں گے یا نہیں۔
عدالت نے کیس کی سماعت کچھ دیر کے لیے ملتوی کردی۔
