ریاض (انٹرنیشنل ڈیسک) امریکی فضائیہ کے دو بی 52 بم بار طیاروں کے سعودی عرب کی فضائی حدود سے گزرنے کے دوران سعودی رائل ائرفورس کے لڑاکا طیارے مذکورہ دونوں طیاروں کے ساتھ رہے۔ واضح رہے کہ امریکی بی 52 طیارے کئی نوعیت کے ہتھیاروں کی بڑی کھیپ لے جانے کی صلاحیت رکھتے ہیں اور ساتھ ہی یہ دشمن کی اراضی میں اپنے اہداف کو درست طور پر نشانہ بھی بنا سکتے ہیں۔ اس سے قبل امریکی مرکزی کمان نے جمعرات کے روز تصدیق کی تھی کہ اس کے 2 بی 52 بم بار طیاروں نے مشرق وسطیٰ کے علاقوں میں پروازیں کیں۔
