جاپان میں عادی قاتل کو سزائے موت

ٹوکیو (انٹرنیشنل ڈیسک) جاپان میں ٹوئٹر کے ذریعے لوگوں کو پھانس کر قتل کرنے والے شخص کو موت کی سزا سنادی گئی۔ 2017 ء میں ٹوئٹر کلر کے نام سے مشہور ٹاکاہیرو شیرائیشی کو پولیس نے اس وقت گرفتار کیا تھا جب اس کے فلیٹ سے انسانی اعضا برآمد ہوئے تھے۔ اس نے ٹوکیو کی عدالت کے سامنے 9افراد کے قتل کا اعتراف کیا تھا۔ اس سے قبل شیرائیشی کے وکلا نے موقف اپنایا تھا کہ قتل کیے جانے والے افراد نے مرنے کے لیے ان کے موکل کے سامنے رضامندی کا اظہار کیا تھا، اس لیے اس کی سزا میں کمی ہونی چاہیے۔