سرائیوو (انٹرنیشنل ڈیسک) مختلف ممالک سے غیرقانونی طور پر مغربی یورپ پہنچنے کے خواہاں ہزاروں تارکین وطن بلقان اور مشرقی یورپ کے کئی ممالک میں پھنسے ہوئے ہیں۔ ان کی ایک بڑی تعداد بوسنیا میں بھی پناہ گزیں ہے۔ کروشیا سے متصل سرحد کے قریب بوسنیا کے لیپا کیمپ میں چند روز قبل آتش زدگی سے کئی خیمے جل کر تباہ ہوگئے تھے۔ ہفتے کے روز اس علاقے میں برف باری ہوئی، جس کے نتیجے میں ان بے گھر تارکین وطن کی مشکلات میں ایک بار پھر اضافہ ہوگیا ہے۔
