بہاول پور(آن لائن)بہاول پور میں 3 جنوری کو پی ڈی ایم کی حکومت مخالف نکالی جانے والی ریلی جس میں مریم نواز نے خطاب کرنا تھا کو سیکورٹی برانچ نے سیکورٹی کلیر نس دینے سے انکار کرتے ہوئے ن لیگ کے مرکزی ڈپٹی جنرل سیکرٹری میاں بلیغ الرحمن کو ریلی منسوخ کرنے کے لیے خط لکھ دیا ۔لیٹر میں کہا گیا کہ ملک میں بڑھتی ہوئی کرونا کی وبائی صورتحال کے پیش نظر ریلی کا انعقاد ناقابل قبول ہے اور حکومت کی ایس او پیز کی خلاف ورزی پر سخت کاروائی کی جائے گی۔رپورٹ کے مطابق پی ڈی ایم کی احتجاجی ریلی 3جنوری کو بہاول پور میں نکالی جائے گی۔ ریلی میں پاکستان مسلم لیگ (ن) کی مرکزی نائب صدر مریم نواز شرکت کریں گی۔ مریم نواز 3جنوری کو بہاول پور آئیں گی۔
