لکھنو(مانیٹرنگ ڈیسک)بھارت میں 3منزلہ عمارت زمیں بوس ہوگئی جس کے نتیجے میں 23افراد ہلاک اور15زخمی ہوگئے۔میڈیا رپورٹس کے مطابق اْتر پردیش کے شہر مراد نگرمیں بارش کے دوران متعدد افراد نے شمشان گھاٹ میں بنی چھت کے تلے پناہ لی تھی۔ بارش کی وجہ سے چھت کمزور پڑ کر گر گئی جس کی وجہ سے یہ بڑا حادثہ پیش آیا۔ حادثے میں ہلاک ہونے والوں میں زیادہ تر تعداد افرادآخری رسوم کی ادائیگی کے لیے آئے تھے۔ ڈی سی میرٹھ کے مطابق جائے وقوع پر ملبے سے 38 افراد کو نکالا جاچکا ہے علاوہ ازیں واقعے کی تحقیقات شروع کردی گئی ہیں۔ بھارتی صدر رام ناتھ کووند اور وزیر اعظم نریندر مودی نے واقعے میں جان سے جانے والوں کے لواحقین اے اظہار ہمدردی کرتے ہوئے تحقیقات کا حکم دیا ہے۔
