نیامے(مانیٹرنگ ڈیسک)افریقی ملک نائیجر میں 2 دیہات پر حملوں کے نتیجے میں 70 افراد ہلاک اور متعدد زخمی ہوگئے۔ سیکورٹی حکام کے مطابق ان حملوں کے پیچھے شدت پسند گروپ کا ہاتھ دکھائی دیتا ہے۔ مقامی حکام کے مطابق حملوں کا نشانہ بننے والے گاؤں مالی کی سرحد کے قریب واقع ہیں۔ حملوں کی وجہ اب تک غیر واضح ہے۔ ماضی میں شدت پسند گروپ داعش اور القاعدہ نائیجر میں حملے کرتے رہے ہیں۔ گزشتہ برس اس مغربی افریقی ملک میں سیکڑوں افراد ایسے حملوں میں مارے گئے۔
