بنوں (آن لائن)پی ڈی ایم بنوں جلسہ منتظمین کے خلاف تھانہ صدر میں مقدمہ درج کر لیا گیا،مقدمے میں عوام کی بڑی تعداد جمع کرانے، روڈ بندش، آمد و رفت متاثر کرنے اور زبردستی جلسہ گاہ سجانے ،کورونا ایس او پیز ، انتظامیہ کے اصولوں کی خلاف ورزی اور کار سرکار میں مداخلت کے دفعات شامل کی گئی ہیں جس میں جمعیت علمائے اسلام کے سابق ایم پی اے ملک ریاض خان، جنرل سیکرٹری حاجی نیاز خان، عوامی نیشنل پارٹی ناز علی، پی پی پی کے ملک اشفاق اور تاج محمد ایڈووکیٹ، ن لیگ کے پیر کمال شاہ، پشتونخوا میپ کے ملک شوکت ایڈووکیٹ، ملک مکرم شاہ چیئرمین کیو ڈپلیو پی کو بطور ملزمان نامزد کیا گیا ہے ۔
