بیجنگ (انٹرنیشنل ڈیسک) چین کے شہر ہاربن میں فلک بوس عمارتوں کا سالانہ آئس فیسٹول شروع ہو گیا۔ سالانہ آئس فیسٹول کی تیاریاں ہفتوں قبل شروع ہوئی تھیں اور اس دوران کارکنوں نے دریائے سونگو کی سطح سے لاکھوں کیوبک فٹ برف کو فیسٹول کے مقام تک پہنچایا تھا۔ رات کی روشنی میں برف سے بنے خوبصورت محل میلے میں آنے والے سیاحوں کے دل موہ لے لیتے ہیں۔ چین کے شمال مشرقی شہر میں کئی برس سے جاری رہنے والے میلے میں لوگوں کی ایک بڑی تعداد شرکت کرتی ہے۔
