ماسکو (انٹرنیشنل ڈیسک) سعودی وزیرخارجہ شہزادہ فیصل بن فرحان نے ماسکو میں روسی وزیر خارجہ سرگئی لاروف سے ملاقات کی،جس میں دونوں عہدے داروں نے تعلقات اور علاقائی و عالمی امور پر تبادلہ خیال کیا۔ ملاقات کے بعد دونوں وزرائے خارجہ نے مشترکہ نیوزکانفرنس بھی کی۔ شہزادہ فیصل بن فرحان نے کہا کہ ہم روس سے شراکت داری کو دونوں ممالک کے مفاد میں استعمال کرنا چاہتے ہیں۔ملاقات میں دونوں ممالک کے سربراہان کے آیندہ دوروں اور مختلف شعبوں میں تعاون پر تبادلہ خیال کیا گیا۔
