واشنگٹن (آن لائن) امریکی صدر ڈونلڈ ٹرمپ نے پاکستان کی نوبل انعام یافتہ ملالہ یوسف زئی کے نام پر ’ملالہ ایجوکیشن ایکٹ‘ پر دستخط کر دیے۔ امریکی ایوان نمائندگان نے یہ بل گزشتہ سال مارچ میں ہی منظور کرلیا تھا تاہم رواں ماہ کے اوائل میں اسے سینیٹ سے بھی منظوری مل گئی تھی۔ بعدازاں اسکالر شپ بل کو حتمی منظوری کیلیے صدر ٹرمپ کے پاس بھیجا گیا تھا۔ وائٹ ہاؤس اعلامیے کے مطابق قانون کے تحت اعلیٰ تعلیم کے اسکالر شپ پروگرام میں 50 فیصد تعلیمی وظائف پاکستانی خواتین کو ملیں گے۔
