حیدر آباد (اسٹاف رپورٹر) مسلم لیگ ن حیدر آباد کے ترجمان عبدالوحید انقلابی، ملک وزیر علی، اکبر علی شاہ، ڈاکٹر عمر دراز قریشی، عبدالغفار قریشی، کامران جتوئی ودیگر نے کہا کہ واپڈا، پی آئی اے، اسٹیل مل ودیگر قومی اداروں کی نجکاری کرنے سے محنت کشوں کا معاشی قتل ہوگا، لاکھوں ملازمین فاقہ کشی کا شکار ہوں گے، ملک کی ترقی کا پہیہ جام ہوجائے گا۔ انہوں نے کہا کہ معاشی ترقی کا پہیہ چلانے والوں کو بے روزگار کرنا فسطائیت ہے، دنیا میں حکومت اپنے عوام کو روزگار نہ ہونے پر بے روزگاری الاؤنس دیتی ہے، وظیفہ دیتی ہے تاکہ ملک میں بے روزگاری کی وجہ سے جرائم میں اضاف نہ ہو۔
