لاڑکانہ (نمائندہ جسارت) ایس ایس پی لاڑکانہ مسعود احمد بنگش کی ہدایات پر لاڑکانہ پولیس نے جرائم پیشہ افراد کیخلاف کارروائیاں کرتے ہوئے اشتہاری، روپوش و مطلوب 6 ملزمان کو گرفتار کرکے اسلحہ اور منشیات برآمد کرلی۔ سول لائنز پولیس نے ضلع شکارپور کے تھانہ لوڈہرا میں قتل اور ڈکیتی کے مقدمات میں روپوش ملزم نصراللہ جعفری کو، ہٹڑی غلام شاہ پولیس نے سنگین نوعیت کے دو سے زائد مقدمات میں اشتہاری ملزم عنایت اللہ برڑو کو ڈبل بیرل بندوق اور کارتوس سمیت، رشید وگن پولیس نے سنگین نوعیت مقدمات میں اشتہاری ملزم حمید لاشاری کو، ولید پولیس نے منشیات فروش اسین کھوسو چرس سمیت، ڈوکریپولیس نے اغوا کے مقدمے میں مطلوب دو ملزمان حفیظ اور منٹھار سومرو کو گرفتار کرلیا۔ دوسری جانب ولید پولیس نے شہری اکبر علی کی چوری شدہ سولر پلیٹ بھی برآمد کرکے اصل مالک کے حوالے کردی۔
