دمشق (انٹرنیشنل ڈیسک)شام میں خانہ جنگی کے باعث بے گھر شہریوں کی مشکلات میں اضافہ جاری ہے۔ خبررساں اداروں کے مطابق پیر اور منگل کے درمیان بارش کے باعث شمال مغربی صوبے ادلب میں تُرک سرحد کے قریب پناہ گزیں شہریوں کو شدید مشکلات کا سامنا کرنا پڑرہا ہے۔ بارش کے باعث جہاں ایک طرف خیمے تباہ ہوگئے، وہیں سرد موسم کی شدت میں اضافہ ہوگیا ہے۔ خیمہ بستیوں میں کیچڑ کے باعث شہری اپنی عارضی قیام گاہوں میں محصور ہوکر رہ گئے ہیں۔
