کراچی ( اسٹاف رپورٹر) کے ایچ اے کے زیراہتمام ٹیلنٹ ہنٹ انٹرڈسٹرکٹ ہاکی لیگ کا وارم اپ ایونٹ شروع ہوگیا، افتتاحی روز4 میچزکا فیصلہ ہوگیا، ڈسٹرکٹ ویسٹ ، ،ڈسٹرکٹ کورنگی اور ڈسٹرکٹ کیماڑی نے فتوحات حاصل کرلیں جبکہ ڈسٹرکٹ ایسٹ اور ڈسٹرکٹ ملیر کے مابین میچ برابر ہوگیا۔ پہلا میچ ڈسٹرکٹ ویسٹ اور ڈسٹرکٹ ملیر کے مابین کھیلا گیا جوڈسٹرکٹ ویسٹ نے ایک کے مقابلہ میں 2 گول سے جیت لیا۔دوسرا میچ ڈسٹرکٹ کیماڑی اور ڈسٹرکٹ ساؤتھ کے مابین کھیلا گیا جو ڈسٹرکٹ کیماڑی نے 2 کے مقابلہ میں3 گول سے جیت لیا۔ تیسرا میچ ڈسٹرکٹ ایسٹ اور ڈسٹرکٹ ملیر کے مابین کھیل گیا جوکہ 1-1 گول سے ڈراء ہوگیا۔ چوتھا میچ ڈسٹرکٹ کورنگی اور ڈسٹرکٹ سینٹرل کے مابین کھیلا گیا جو ڈسٹرکٹ کورنگی نے ایک کے مقابلہ میں 2 گول سے جیت لیا۔
