پیرس (انٹرنیشنل ڈیسک) فرانس میں ایک زوردار دھماکے کے نتیجے میں 10افراد زخمی اور 2 لاپتا ہوگئے۔ خبررساں اداروں کے مطابق یہ واقعہ ہفتے کے روز جنوب مغربی شہر بورڈو میں پیش آیا۔ ابتدائی تحقیقات کے مطابق یہ دھماکا ایک گیراج میں ہوا، جس کے نتیجے میں ایک رہایشی عمارت تباہ ہوگئی، جب کہ علاقے میں موجود دکانوں کو شدید نقصان پہنچا۔ زخمیوں میں سے ایک 89 سالہ عمررسیدہ شہری کی حالت تشویش ناک بتائی جاتی ہے۔ زخمیوں کو اسپتال منتقل کردیا گیا ہے، جب کہ دھماکے کی وجوہات جاننے کے لیے تحقیقات جاری ہے۔
