لندن (انٹرنیشنل ڈیسک) برطانوی دارالحکومت کے جنوبی علاقے میں چاقو حملے کے کئی واقعات میں ایک شخص ہلاک اور 9 زخمی ہو گئے۔ خبر رساں اداروں کے مطابق لندن میں چاقو کے 5 واقعات کروئیڈون، چیسل ہرسٹ اور وینڈس ورتھ میں جمعہ کی شام پیش آئے، حکام کی جانب سے کسی بھی حملے سے متعلق بیان جاری نہیں کیا گیا، تاہم پولیس کا کہنا ہے کہ جنوبی لندن میں مزید اہل کار تعینات کیے جائیں گے۔ طبی ذرائع کے مطابق زخمیوں میں سے کسی کی حالت بھی تشویش ناک نہیں ہے۔ سیکورٹی حکام نے 2 افراد کو حملوں کے الزام میں میں گرفتار کرنے کی تصدیق کی ہے۔
