واشنگٹن (انٹرنیشنل ڈیسک) امریکا نے یمنی باغیوں کے 3 رہنماؤں پر پابندیاں برقرار رکھنے کا اعلان کردیا۔ وزیر خارجہ انتھونی بلنکن نے کہا ہے کہ حوثیوں کا نام دہشت گرد تنظیموں کی فہرست سے نکال دیا جائے گا،تاہم عبدالملک الحوثی، عبدالخالق بدر الدین اور عبداللہ الحکیم پر پابندیاں برقرار رہیں گی۔ حوثیوں کو دہشت گرد قرار دینے والے فیصلے کی منسوخی کا مقصد اس امر کو یقینی بنانا ہے کہ دنیا بھر میں بدترین انسانی بحران کے شکار لوگوں تک امدادی سامان کی ترسیل میں کوئی رکاوٹ پیدا نہ ہو۔
