چیف جسٹس اسلام آباد ہائیکورٹ نے کہا کہ منتخب ایم این اے نے تنقید پر پڑوسی سے جھگڑے کو کرمنل کیس بنادیا۔
اسلام آباد ہائیکورٹ میں رکن قومی اسمبلی کنول شوذب اور پڑوسی عبدالرحمان نے بیان جمع کراوایا کہ ہماری صلح ہوگئی ہے اور مقدمات واپس لیتے ہیں۔اسلام آباد ہائی کورٹ نے صلح قبول کرلی۔
چیف جسٹس اسلام آباد ہائیکورٹ نے کہا کہ منتخب ایم این اے نے تنقید پر پڑوسی سے جھگڑے کو کرمنل کیس بنادیا، ایف آئی اے نے الیکٹرانک کرائم قانون کا ناجائز استعمال کرکے طاقتورکو فائدہ دیا۔
چیف جسٹس اطہر من اللہ نے حیرانی کا اظہار کیا کہ ایم این اے نے تنقید پر فوجداری مقدمہ کیسے قائم کرادیا؟
واضح رہے کہ تحریک انصاف کی رکن قومی اسمبلی کنول شوذب اور شہری کے درمیان جھگڑے کے معاملے پرکنول شوذب کے وکیل نے عدالت کو معاملہ باہمی رضا مندی سے حل کرنے کی یقین دہانی کروائی تھی۔
