لاہور(جسارت نیوز)پاکستان کے ٹینس اعصام الحق نے کہا ہے کہ پکا لاہوری ہوں اس لیے پاکستان سپر لیگ میں لاہور قلندرز کو ہی سپورٹ کروں گا۔لاہور میں میڈیا سے گفتگو میں اعصام الحق کا کہنا تھا پاکستان سپر لیگ کے آغاز میں لاہور قلندرز کی ٹیم کو تنقید کا سامنا کرنا پرا کیونکہ ٹیم کی کارکردگی اچھی نہیں تھی لیکن اب خوشی ہے کہ لاہور قلندرز کی ٹیم اچھا کھیل رہی ہے۔انہوں نے کہا کہ لاہور قلندرز کی ٹیم پہلے دونوں میچز میں کامیابی حاصل کر کے پوائنٹس ٹیبل پر پہلے نمبر پر ہے۔ اعصام الحق نے کہا کہ امید ہے کہ آنے والے میچز میں بھی لاہور قلندرز اچھا کھیلے گی۔
