پاکستان سپر لیگ (پی ایس ایل) کے آٹھویں میچ میں پشاور زلمی نے کپتان وہاب ریاض کی اختتامی اوورز میں جارحانہ بلے بازی کی بدولت کوئٹہ گلیڈی ایٹرز کو سنسنی خیز مقابلے کے بعد 3 وکٹوں سے شکست دے دی۔
اسے قبل کوئٹہ گلیڈی ایٹرز نے کپتان سرفراز احمد کی 81 رنز کی شان دار اننگز کی بدولت پاکستان سپر لیگ (پی ایس ایل) 2021 کا سب بڑا اسکور 7 وکٹوں پر 198 رنز بنا کر پشاور زلمی کو ایک مشکل ہدف دے دیا۔
نیشنل اسٹیڈیم کراچی میں کھیلے جارہے سیریز کے آٹھویں میچ میں پشاور زلمی نے ٹاس جیت کر کوئٹہ گلیڈی ایٹرز کو پہلے بیٹنگ کی دعوت دی۔
صائم ایوب اور کیمرون ڈیلپورٹ نے گلیڈی ایٹرز کی جانب سے اننگز کا آغاز کیا مگر محمد عمران نے 15 کے اسکور پر ڈیلپورٹ کو آؤٹ کردیا۔
کیمرون ڈیلپورٹ نے صرف 2 رنز بنائے تھے، جس کے بعد کرس گیل کی جگہ ٹیم میں آنے والے جنوبی افریقہ کے اسٹار بلے باز فاف ڈیوپلیسی بیٹنگ کے لیے میدان میں آئے.
گلیڈی ایٹرز کی جانب سے آؤٹ ہونے والے دوسرے بلے باز صائم ایوب تھے جو 19 گیندوں پر 21 رنز بنا کر رن آؤٹ ہوئے تاہم ٹیم کا اسکور 48 رنز تھا، جس میں زیادہ حصہ ڈیوپلیسی کا تھا۔
Cheeky 😏@faf1307 gets a cue to hit a 6#HBLPSL6 | #MatchDikhao | #PZvQG pic.twitter.com/RveC5hlHuD
— PakistanSuperLeague (@thePSLt20) February 26, 2021
فاف ڈیوپلیسی نے جارحانہ انداز میں بیٹنگ کرکے یہ عندیہ دیا کہ وکٹ سے بلے بازوں کو مدد مل رہی ہے لیکن وہ وہاب ریاض کی گیند پر ایک اونچا شاٹ کھیلنے کی کوشش میں کیچ آؤٹ ہوگئے۔
ڈیوپلیسی نے 26 گیندوں میں 4 چوکوں اور ایک چھکے کی مدد سے 37 رنز بنائے۔
Quetta were running away with it when Wahab got the dangerous @faf1307 skying one in the deep! #MatchDikhao l #HBLPSL6 I #PZvQG pic.twitter.com/y4kz69NLjz
— PakistanSuperLeague (@thePSLt20) February 26, 2021
کپتان سرفراز احمد نے اعظم خان کے ساتھ مل کر اننگز کو ذمہ دارانہ انداز میں آگے بڑھایا اور اپنی نصف سنچری بنائی۔
King of Karachi 👑 😤
Some of the best shots from @SarfarazA_54‘s innings today#HBLPSL6 | #MatchDikhao | #PZvQG pic.twitter.com/HhmeqWvA60
— PakistanSuperLeague (@thePSLt20) February 26, 2021
اعظم خان نے 15 ویں اوور کی دوسری گیند پر وہاب ریاض کو بلند و بالا چھکا رسید کیا تو گیند نیشنل اسٹیڈیم کے چھت کے اوپر پہنچ گئی یہ چھکا نیشنل اسٹیڈیم کے بلند ترین چھکوں میں سے ایک تھا۔
On the roof! That’s one of the biggest sixes the NSK has ever seen! 😱#HBLPSL6 | #MatchDikhao | #PZvQG pic.twitter.com/Ja6zZlwijg
— PakistanSuperLeague (@thePSLt20) February 26, 2021
دونوں بلے بازوں نے چوتھی وکٹ کی شراکت میں 105 رنز بنائے اور سرفراز احمد 19 ویں اوور میں وہاب ریاض کو 3 چوکے اور ایک چھکا لگانے کے بعد 81رنز کی اننگز کھیل کر آؤٹ ہوئے۔
آخری اوور کرنے کے لیے ثاقب محمود آئے اور ابتدائی دو گیندوں پر ہی دو وکٹیں حاصل کیں، جس میں 26 گیندوں پر 47 رنز بنانے والے اعظم خان اور بین کٹنگ شامل تھے۔
ثاقب محمود ہیٹ ٹرک مکمل نہ کر پائے تاہم دو گیندوں کے فرق سے محمد نواز کو بھی آؤٹ کرکے اوور میں تیسری وکٹ گرائی۔
Two absolutely spectacular wickets off consecutive balls for @PeshawarZalmi in the final over. #MatchDikhao l #HBLPSL6 I #PZvQG pic.twitter.com/vlTTk3ZYPD
— PakistanSuperLeague (@thePSLt20) February 26, 2021
کوئٹہ گلیڈی ایٹرز نے کپتان سرفراز کی بڑی اننگز کی بدولت اسکور بورڈ پر رواں سیزن کا اب تک کا سب سے بڑا اسکور 198 رنز سجایا۔
پشاور زلمی کی جانب سے کپتان وہاب ریاض سب سے مہنگے ثابت ہوئے اور انہوں نے اپنے 4 اوورز کے کوٹے میں 54 رنز کی مار برداشت کی اور 2 وکٹیں حاصل کیں جبکہ سب سے زیادہ وکٹیں ثاقب محمود کو ملی جنہوں نے 3 کھلاڑیوں کو آؤٹ کیا۔
پشاور زلمی کی بیٹنگ کی شروعات بھی ناقص تھیں اور کامران اکمل نے محتاط رویہ اپنایا اور8 گیندوں پر صرف 3 رنز بنا کر عثمان شنواری کی گیند پر آؤٹ ہوگئے۔
ملتان سلطانز کے خلاف گزشتہ میچ میں جارحانہ بیٹنگ کرنے والے کوہلر بھی گلیڈی ایٹرز کے خلاف ناکام ہوئے اور 27 رنز کے مجموعے پر ڈیل اسٹین کو وکٹ دے کر چلتے بنے، انہوں نے 4 رنز بنائے تھے۔
امام الحق نے جارحانہ بیٹنگ کی اور شروع میں ہی چھکے اور چوکے مارنے کی کوشش کی۔
Badla lo toa aisay! 😎
Imam responds to being hit on the head with a massive six!#HBLPSL6 | #MatchDikhao | #PZvQG pic.twitter.com/TLrzfLAmqs— PakistanSuperLeague (@thePSLt20) February 26, 2021
حیدر علی اور امام الحق نے 58 رنز کی شراکت کی اور امام الحق کی وکٹیں 79 کے مجموعے پر زاہد محمود نے اڑادیں، جنہوں نے 41 رنز بنائے تھے۔
Zahid Mehmood lights up @ImamUlHaq’s stumps as @PeshawarZalmi lose their third.#HBLPSL6 | #MatchDikhao | #PZvQG l @iamzahid23 pic.twitter.com/ctHbh8dQn6
— PakistanSuperLeague (@thePSLt20) February 26, 2021
شعیب ملک نے ٹیم کی ضرورت کے پیش نظر جارحانہ بیٹنگ شروع کی اور بلند و بالا چھکے بھی لگائے۔
Put that shot in a museum and preserve it for future generations.@realshoaibmalik on 🔥#HBLPSL6 | #MatchDikhao | #PZvQG pic.twitter.com/R4K6zkp56O
— PakistanSuperLeague (@thePSLt20) February 26, 2021
حیدر علی نے 5 چوکوں اور 2 چھکوں کی مدد سے 29 گیندوں پر 50 رنزبنائے اور ڈیل اسٹین اور ڈیوپلیسی کے گٹھ جوڑ کا شکار ہو کر زلمی کو چوتھا نقصان دے گئے۔
ٹیم کو ایک تجربہ کار بلے باز کی ضرورت تھی اور وکٹ پر شعیب ملک موجود تھے، جو ایک مرتبہ پھر ٹیم کی امیدوں پر پورا اترنے میں ناکام ہوتے ہوئے 34 رنز بنا کر کٹنگ کی گیند پر ایل بی ڈبلیو آؤٹ ہوگئے، اس وقت پشاور زلمی کا اسکور 145 رنز تھا۔
کپتان وہاب ریاض اور شرفین روتھرفورڈ نے جارحانہ انداز میں بیٹنگ کرتے ہوئے ڈیل اسٹین اور حسنین کی گیندوں پر چھکے مار کر ٹیم کو جیت کے قریب لایا۔
Wah Wah Wahaaab! 🔥 #MatchDikhao l #HBLPSL6 I #PZvQG pic.twitter.com/mjNmwJtDF5
— PakistanSuperLeague (@thePSLt20) February 26, 2021
وہاب ریاض اور روتھر فورڈ نے ڈیل اسٹین کے اوور میں 3 چھکوں کی مدد سے 21 رنز بٹورے.
Steyn had NO idea. None. 💥 #MatchDikhao l #HBLPSL6 I #PZvQG l @sherfaneruther1 pic.twitter.com/mRW0NnUH0i
— PakistanSuperLeague (@thePSLt20) February 26, 2021
وہاب ریاض کو محمد حسنین نے آخری اوور کی پہلی گیند پر بولڈ کردیا جس کے بعد اگلی گیند پر ثاقب محمود رن آؤٹ ہوگئے۔
Some solace for @MHasnainPak in this wicket! #MatchDikhao l #HBLPSL6 I #PZvQG pic.twitter.com/oJlYkefL3S
— PakistanSuperLeague (@thePSLt20) February 26, 2021
محمد حسنین گیند پر قابو رکھنے میں ناکام ہوئے اور وائیڈ پر گیند باؤنڈری سے باہر چلی گئی اور میچ یک طرفہ ہو گیا اور روتھر فورڈ نے چوکا مار کر ٹیم کو 3وکٹوں سے کامیابی دلائی۔
Two iconic teams, an iconic rivalry, and another iconic game. Never change, @PeshawarZalmi and @TeamQuetta #HBLPSL6 | #MatchDikhao | #PZvQG pic.twitter.com/d73iWdC66s
— PakistanSuperLeague (@thePSLt20) February 26, 2021
پشاور زلمی نے 19 ویں اوور کی تیسری گیند پر 7 وکٹوں کے نقصان پر 202 رنز بنا کر میچ 3 وکٹوں سے جیت لیا اور پوائنٹس ٹیبل پر اپنی پوزیشن بہتر کر لی۔
روتھرفورڈ نے 18 گیندوں پر ناقابل شکست 36 رنز بنائے، جس میں ایک چوکا اور 4 چھکے شامل تھے.
حیدر علی کو میچ کا بہترین کھلاڑی قرار دیا گیا.
ٹاس کے بعد کوئٹہ گلیڈی ایٹرز کے کپتان سرفراز احمد کا کہنا تھا کہ وکٹ اچھی ہے اور اچھا ہدف دینے کی کوشش کریں گے۔
کوئٹہ گلیڈی ایٹرز اب تک دو میچ کھیل چکی ہے اور اپنی ناقص کارکردگی کے باعث مسلسل شکستوں کے ساتھ کوئی پوائنٹ حاصل نہیں کرپائی تھی۔
دوسری جانب پشاور زلمی نے ایک میچ میں کامیابی حاصل کی جبکہ دوسرے میچ میں شکست کا سامنا کرنا پڑا اور 2 پوائنٹس کے ساتھ پانچویں نمبر پر موجود تھی۔
کوئٹہ گلیڈی ایٹرز نے میچ کے لیے تین تبدیلیاں کیں جبکہ پشاور زلمی نےگزشتہ میچ میں کامیابی حاصل کرنے والی ٹیم برقرار رکھی۔
میچ کے لیے دونوں ٹیمیں ان کھلاڑیوں پر مشتمل تھیں:
کوئٹہ گلیڈی ایٹرز: سرفراز احمد (کپتان)، فاف ڈیوپلیسی، کیمرون ڈیلپورٹ، اعظم خان، صائم ایوب، بین کٹنگ، محمد نواز، زاہد محمود، ڈیل اسٹین، محمد حسنین، عثمان شنواری
پشاور زلمی: وہاب ریاض (کپتان)، کامران اکمل، امام الحق، حیدرعلی، شعیب ملک، ٹام کوہلرکیڈمور، شرفین روتھر فورڈ، مجیب الرحمٰن، ثاقب محمود، محمد عمران، محمد عرفان
منبع: ڈان نیوز
