پاکستان کے ایوان بالا میں چیئرمین کے عہدے کیلئے انتخاب میں اپوزیشن اتحاد پاکستان ڈیموکریٹک موومنٹ کے امیدوار یوسف رضا گیلانی کے نام کے پر مہر لگانے والے 7 ووٹ مسترد ہوئے۔
اس معاملے پر یوسف رضا گیلانی کے پولنگ ایجنٹ پیپلزپارٹی کے رہنما سینیٹر فاروق ایچ نائیک نے اظہار خیال کیا اور پریذائیڈنگ آفیسر کو کہا کہ میں نے کہا تھا کمیٹی بنائیں لیکن آپ نے میری بات نہیں سنی، یہ کہیں نہیں لکھا کہ مہر کس جگہ لگائیں۔
انہوں نے کہا کہ جن ووٹوں کی بات کر رہے ہیں ان میں مہر خانے کے اندر لگی ہوئی ہے باہر نہیں۔
واضح رہے کہ چئیرمین سینیٹ کے انتخاب کے لیئے یوسف رضا گیلانی پی ڈی ایم کے امیدوار تھے جب کہ صادق سنجرانی اپوزیشن کے۔ صادق سنجرانی دوسری بار چئیرمین سینیٹ منتخب ہوئے ہیں۔ یوسف رضا گیلانی کو 42 ووٹ ملے جبکہ صادق سنجرانی کو 48 ووٹ ملے۔ دلچسپ طور پر یوسف رضا گیلانی کے 7 ووٹ مسترد ہوئے۔
