اسلام آباد: حکومت نے کرونا سے ڈرنا نہیں لڑنا ہے کا نعرہ تبدیل کر دیا، اس سلوگن کو ختم کرتے ہوئے نیا سلوگن جاری کر دیا گیا۔
تفصیلات کے مطابق حکومت نے اسلامی نظریاتی کونسل کی تجویز پر نعرہ کرونا سے ڈرنا نہیں لڑنا ہے، ختم کر یا، وزارت مذہبی امور نے کرونا سلوگن کے حوالے سے باقاعدہ نوٹیفکیشن بھی جاری کر دیا۔وزارت مذہبی امور نے کہا ہے کہ اب حکومت کا نیا نعرہ یہ ہوگا کورونا وبا ہے، احتیاط جس کی شفا ہے۔
نوٹیفکیشن میں کہا گیا ہے کہ سلوگن کرونا سے ڈرنا نہیں لڑنا ہے کے استعمال کی ممانعت ہوگی، آئندہ سے آگاہی کے لییکرونا وبا ہے، احتیاط جس کی شفا ہے استعمال کیا جائے۔واضح رہے کہ حکومت نے اسلامی نظریاتی کونسل کی سفارش پر وفاقی کابینہ کی منظوری کے بعد یہ نوٹیفکیشن جاری کیا ہے۔
