مغربی افریقہ کے ملک نائیجیریا کے صوبے کیبی میں مسلح افراد کے حملے میں 88افراد کی ہلاکت کی تصدیق ہوئی ہے۔
صوبہ کیبی کے پولیس ترجمان نافی ابوبکر نے جاری کردہ بیان میں کہا ہے کہ نامعلوم مسلح افراد نے تین جون کو کیبی سے منسلک 8علاقوں پر حملہ کیا۔ حملے کے بعد اٹھاسی افراد کی لاشیں ملی ہیں۔
نافی ابوبکر نے کہا ہے کہ سکیورٹی فورسز کو علاقے کی طرف روانہ کر دیا گیاہےاور واقعے کی تحقیقات جاری ہیں۔
واضح رہے کہ مسلح افراد کی طرف سے اسی علاقے میں ماہِ اپریل میں کئے گئے حملے میں 9 پولیس اہلکار ہلاک ہو گئے تھے۔
