ترکی وزارت دفاع نے ترک فضائیہ اور آذربائیجان فضائیہ کے طیاروں کی استنبول کی فضاوں میں پرواز کے مناظر شئیر کئے ہیں۔
ترکی کے سب سے بڑے ٹیکنالوجی میلے ‘ٹیکنو فیسٹ استنبول’ کا خلائی و ٹیکنالوجی میلہ اتاترک ائیر پورٹ پر جاری ہے۔
فیسٹیول کے دائرہ کار میں ترک فضائیہ اور آذربائیجان فضائیہ کے طیاروں نے استنبول باسفورس کی فضاوں میں پرواز کی اور سلامی پیش کی۔
ترکی وزارت دفاع کی طرف سے سلامی کے مناظر کو سوشل میڈیا پر شئیر کیا گیا ہے۔
مناظر میں سولو ترک اور ٹرکش اسٹارز آذربائیجان فضائیہ کے مِگ۔29 کے پہلو بہ پہلو اڑتے دکھائی دے رہے ہیں۔
