راولپنڈی: آرمی چیف جنرل قمر جاوید باجوہ نےآئی ایس آئی ہیڈ کوارٹرزکا دورہ کیا، جہاں ڈی جی آئی ایس آئی لیفٹیننٹ جنرل فیض حمید نے آرمی چیف کا استقبال کیا۔
پاک فوج کےترجمان شعبہ ابلاغ عامہ ( آئی ایس پی آر ) کے مطابق آرمی چیف کو داخلی سیکیورٹی اور افغانستان کی صورتحال پر بریفنگ دی گئی،جس پر جنرل قمر جاوید باجوہ نے ادارے کی تیاریوں پر اظہار اطمینان کیا۔
واضح رہے کہ کچھ ہفتے پہلے بھی وزیراعظم عمران خان اور آرمی چیف نے آئی ایس آئی ہیڈکوارٹر کا دورہ کیا تھا۔
